Kategori: Dokumentasi Vidéo | Dimuat pada: 03-07-2008 17:14:17 | 1 Komentar

“Tresnaning Tresna” téh sajak kénging Godi Suwarna, dimusikalisasi ku Dian Hendrayana, terus dihaleuangkeun ku Rika Rafika. Ieu lagu teh hasil garapan Musikalisasi Sajak Sunda alpukahna Paguyuban Panglawungan Sastra Sunda (PP-SS) gawé bareng jeung Bandung Art & Culture Council (BACC). Wilujeng Ngabandungan.

Kategori: Tatarucing, Yu! | Dimuat pada: 03-07-2008 16:59:51 | 3 Komentar

Nyanggakeun ieu tatarucingan nu kadua, étang-étang hiburan wé. Ka nu badé ngawaler, mangga baé serta dina komentar, luyu jeung nomerna. Jawaban nu leres (nu teu leres gé) engké dipasihan hadiah. Hadiahna du’a wé nya, mugia sing panjang yuswa, sing ageung rejeki, sing laksana naon nu dipikahoyong, sing salamet dunya ahérat. Amin.

Kategori: Ladang Motrét | Dimuat pada: 03-07-2008 16:45:36 | 2 Komentar

TILU Nopémber 2007 kuring saparakanca nganjang ka Kabuyutan Ciburuy, salah sahiji tempat nyimpen naskah-naskah Sunda Kuno. Nu harita milu téh di antarana Ua Sasmita (ti Rumah Baca Buku Sunda), Tién Wartini (ahli naskah Sunda), Dédén Abdul Aziz (wartawan Koran Témpo), Téh Éndah (istrina Kang Dédén), Hawé Setiawan (ti Cupumanik), Atép Kurnia (éséis), Jullian Millie (urang Ustrali), Dhipa Galuh Purba (ti Seni Budaya), jeung Darpan (pangarang Sunda, matuh di Garut).

Kategori: Tulisan Jurnalistik | Dimuat pada: 03-07-2008 16:27:19 | Tanpa komentar

Ku Mamat Sasmita

Basa poe Saptu 3 Nop 2007, kuring ngilu ulin ka Kabuyutan Ciburuy Garut, ngilu ka rombongan ti PSS, samobil pinuh, karunya anu kuru we, kadempet. Merenyeng hayang ngilu, pedah eta loba kacaturkeun apan di Ciburuy Garut teh tempatna intelektual Sunda jaman bihari, nepi ka loba karyana dina wangun tulisan dina media daun lontar jeung nipah. Anu geus katalungtik nyaeta naskah Amanat ti Galunggung jeung Sewaka Darma. Hayang nyaho kumaha bungkeuleukanana naskah dina daun lontar di lingkungan aslina. Rombongan teh aya dalapan urang, kaasup Ceu Tien Wartini filolog ti Musium Sribaduga, malah Julian Millie ge ngilu, Julian antropolog ti Australi anu keur nalungtik perkara manakiban.

Kategori: Ukur Banyol | Dimuat pada: 01-07-2008 15:35:03 | Tanpa komentar

Isuk-isuk. Keur ngahuleng Mang Waru téh. Kadéngé aya nu ngagorowok tarik naker. Mani asa nongtoréng pisan.

“Tuluuung!” cenah.

“Tah, aya nu ménta tulung! Salaku manusa, aing kudu nulungan nu butuh pitulung!” pokna. Gidig ka pipir imah, da dédéngéan téh datangna sora ti lebah dinya. Euweuh sasaha.

“Tuluuung!” geus kadéngé deui.

Gidik ka buruan, ka lebah dapuran cau. Euweuh.

“Nya di mana mangkeluk téh, ongkoh ménta tulung! Tapi euweuh!” pokna, kutuk gendeng. Huleng deui wéh. Mikiran nu ménta tulung. Mikiran deui pamajikanana nu balik ka kolotna. Mikiran kasusah hirup. Mikiran hahargaan.

Méméh magrib, Mang Waru ngoréjat siga nu manggih kareuwas.

Kategori: Tulisan Jurnalistik | Dimuat pada: 30-06-2008 04:22:32 | 1 Komentar

Henteu unggal jalma boga katineung kana bacaan, komo di pilemburan mah. Tapi pikeun Juju Junaédi, urang Darangdan Purwakarta, sarupaning bacaan téh sasatna digugulung unggal poé. Di imahna ngagunduk rébuan buku jeung majalah. Lain keur koléksi sorangan, tapi bacaeun urang lembur.

Geus méh 20 taun Juju Junaédi ngokolakeun Perpustakaan Saba Desa keur wewengkon Darangdan jeung sabudeureunana. Modalna nya saayana, henteu jleg nyieun wangunan husus siga galibna perpustakaan.

Kategori: Pangajaran Basa Sunda | Dimuat pada: 27-06-2008 20:31:02 | 5 Komentar

Dina pangajaran munggaran ayeuna, urang rék maca riwayat pahlawan Radén Déwi Sartika. Naon sababna Bu Déwi hayang ngangkat martabat kaom wanita Sunda?

Ieu di handap aya riwayat pahlawan Radén Déwi Sartika. Pék baca bagilir ku hidep. Macana digalantangkeun ngarah hidep bari diajar maca basa Sunda. Bandungan ku nu séjén masing saregep!

Kategori: Éséy Sunda | Dimuat pada: 26-06-2008 20:38:28 | 1 Komentar

Lain ngan alam jeung budayana, urang Sunda gé milu makalangan dina pakumbuhan pilem nasional téh. Miluna téh lain ukur piritan milu endogan, tapi réa nu jadi kampiunna. Nu jaradi produser, sutradara, nulis carita, nyusun skénario, jurumusik, artistik, jurukaméra, kritikus, kolumnis, pangurus organisasi artis jeung organisasi pilem, jeung sajabana. Geus karuhan nu jaradi béntang mah, rapang-baranang matak kérok milang.

Kategori: Éséy Sunda | Dimuat pada: 26-06-2008 20:36:52 | Tanpa komentar

Janggélékna hiji pilem, tangtuna gé dipitembeyan ku nu nyieunna (pausahaan pilem). Di Indonésia, pausahaan pilem nu munggaran téh Java Film Company, diadegkeun di Bandung, awal taun 1920-an. Najan ngadegna di Tatar Sunda, tapi nu mokalanana mah urang deungeun, Tuan Heuveldorf ti Walanda jeung Tuan Kruger ti Jérman. Disusul ku pausahaan pilem séjénna, saperti Kruger Film Bedrijf, Tan’s Film, South Pacific Film, jsté.
Ari urang Sunda, nu pangheulana ngadegkeun pausahaan pilem téh Titién Soemarni (somahan urang Sumedang mah nyarebutna téh ‘Juag Tintin’), Titien Soemarni Motion Picture Corporation, taun 1954. Judul produksi munggaranana Mertua Sinting.

Kategori: Tatarucing, Yu! | Dimuat pada: 26-06-2008 20:00:33 | 12 Komentar

Nyanggakeun ieu tatarucingan, étang-étang hiburan wé. Ka nu badé ngawaler, mangga baé serta dina komentar, luyu jeung nomerna. Jawaban nu leres (nu teu leres gé) engké dipasihan hadiah. Hadiahna du’a wé nya, mugia sing panjang yuswa, sing ageung rejeki, sing laksana naon nu dipikahoyong, sing salamet dunya ahérat. Amin.

Ieu sisindiran kénging nyutat tina buku Tatarucingan, Yu yasana Hadi AKS (Pamulang, 2006).