Kategori: Ukur Banyol | Dimuat pada: 26-02-2009 17:31:55 | 5 Komentar »

Karoohan

Basa Pa Among keur maca koran di téras hareup, kadéngé ti jero imah pamajikanana rawah-riwih. Antaré pisan ku Pa Among disampeurkeun.

“Aya naon ieu téh?” cék Pa Among bari ngalaan kacamata.

“Lain aya naon-aya naon, ieu budak ngalegleg duit saratus pérak. Kumaha nyokotna atuh, Bapa?”

“Aéh-aéh, na karoohan teuing, mani lebar ku duit saratus pérak. Yeuh ku aing digantian sapuluh rébu!” pokna bari ngodok saku.***(dans)

“Enya, nékad pisan supir kebon binatang mah. Caritana kudu mindahkeun sato gangas, di satengahing jalan kakara engeuh yén susuratan mobil tinggaleun…”

“Terus kumaha?”

“Rék balik deui kagok. Rék diteruskeun kuriak dicegat pulisi, mangkaning keur usum operasi. Teu béakeun akal, maung nu dikandangan téh dipangku, sina diuk di hareup, gigireun supir…”

“Deuleu étah, enya nékadna téh.”

“Cék angkeuhanana, piraku pulisi wanieun nilang ari nénjo maung mah. Mikir dua kali meureun.”

“Salamet wé, nya?”

“Salamet maungna mah…”***(dans)

Kategori: Ukur Banyol | Dimuat pada: 01-07-2008 15:35:03 | 1 Komentar »

Isuk-isuk. Keur ngahuleng Mang Waru téh. Kadéngé aya nu ngagorowok tarik naker. Mani asa nongtoréng pisan.

“Tuluuung!” cenah.

“Tah, aya nu ménta tulung! Salaku manusa, aing kudu nulungan nu butuh pitulung!” pokna. Gidig ka pipir imah, da dédéngéan téh datangna sora ti lebah dinya. Euweuh sasaha.

“Tuluuung!” geus kadéngé deui.

Gidik ka buruan, ka lebah dapuran cau. Euweuh.

“Nya di mana mangkeluk téh, ongkoh ménta tulung! Tapi euweuh!” pokna, kutuk gendeng. Huleng deui wéh. Mikiran nu ménta tulung. Mikiran deui pamajikanana nu balik ka kolotna. Mikiran kasusah hirup. Mikiran hahargaan.

Méméh magrib, Mang Waru ngoréjat siga nu manggih kareuwas.

Kategori: Ukur Banyol | Dimuat pada: 26-06-2008 16:25:36 | 1 Komentar »

Seratan nu kapidangkeun kénging nyutat tina Majalah Manglé No. 1995 rubrik “Barakatak”, salah sahiji kolom heureuy dina Majalah Manglé. Dicutat sadayana, kalebet masing-masing nu ngarangna. Matak ngagelenyu henteuna mah nyanggakeun. Sadayana gé uninga yén humor mah rélatif pikaseurieun henteuna téh.

Kategori: Ukur Banyol | Dimuat pada: 23-06-2008 09:54:48 | 2 Komentar »

Kasanggeukeun 9 seratan pondok “Ukur Banyor”. Da ukur banyol ieuh, janten ulah dilebetkeun kana manah. Kénging kutrat-kotrét jaman bihari. Matak seuri, mesem, atanapi henteuna mah, rélatif. Nyanggakeun saaya-aya.

Kategori: Ukur Banyol | Dimuat pada: 16-06-2008 12:56:35 | 9 Komentar »

Ampir mareng jeung Piala Éropah, di désa kuring gé aya kompetisi maénbal. Nu miluanana ti saban lembur. Ari poé tadi, kuring nu jadi palatih Tim Buladig ti lembur Ciboléd, manggih kareuwas. Tapi, sigana lain kuring wungkul nu reuwas jeung keuheul téh, nu séjénna gé pasti kitu.

Kategori: Ukur Banyol | Dimuat pada: 16-06-2008 12:15:07 | 1 Komentar »

Geus dua bulan hulang-huleng baé. Saprak di-PHK ti pabrik kurupuk, lebeng teu manggih deui pagawéan. Komo ayeuna dibéré BBM naék. Wah, kasusah téh teu euweuh-euweuh. Ngalamar mah geus ka ditu-ka dieu, ti mimiti pabrik sapatu nepi ka salon kecantikan. Angger euweuh nu metu. Padahal apan kuring téh boga kabeubeurat; pamajikan hiji keur meumeujeuhna resep balanja, anak dua keur meumeujeuhna beuki jajan.

Kategori: Ukur Banyol | Dimuat pada: 02-06-2008 00:53:21 | 9 Komentar »

DINA riungan di bumi ajengan, hiji santri gawéna ngan hulang-huleng sajeroning ngabandungan katerangan ti guruna. Cék ajengan, “Mun hayang meunang kabagjaan, urang kudu terang kana alamat Alloh. Ngajugjug alamat Alloh mah aya dina rarakatan solat. Sok geura urang tataan, isa 4, subuh 2, lohor 4, asar 4, magrib 3.”

Kategori: Ukur Banyol | Dimuat pada: 24-02-2008 18:29:48 | 7 Komentar »

Saha nu teu apal ka Bah Wirya. Di lembur Ciseureuh mah moal aya dua. Ti mimiti budak satepak, nepi ka aki-aki geus cetuk dawuk, wawuheun. Mun aya nu nyabit-nyabit ngaran Bah Wirya, bréh baé dedegan lalaki jangkung badag. Kumis baplang, make iket, make kampret. Kamamana nyoren bedog. Ngomongna rada teugeug, panonna sok ngaburileng mun pareng manggih ka keuheul. Mun aya nu manasan, sok terus mudigdig, kumis centang, terus hahaok bari molotot.