Sabudereun Buku
Kategori: Buku Sunda, Sabudereun Buku | Dimuat pada: 25-02-2008 02:41:51 | 7 Komentar »
Di lembur kuring, pasisian Tanjungsari, Sumedang, masarakatna lolobana mah patani. Sakolana rata-rata ukur nepi ka SD. Henteu raresepeun maca, jajauheun kana aya usaha néangan buku Sunda mah. Dalah kolot kuring sorangan, apan tara pirajeunan ngampihan buku, da puguh sapopoéna ngurus sawah jeung kebon. Malah anéhna téh, harita mah sok rada disentak lamun nangenan kuring ngadekul maca téh.
Kategori: Sabudereun Buku, Éséy Sunda | Dimuat pada: 24-02-2008 19:28:24 | Tanpa komentar »
Aya sawatara carita, anu bangun ngahaja dijieun ku nu ngarangna pikeun ngaganggayong nu maca, ngajak nuturkeun kapanasaran nepi ka pungkas carita. Laleur Bodas karangan Samsu (nu ayeuna diterbitkeun deui ku PT Kiblat Buku Utama), bawirasa, kaasup kana kategori carita nu matak panasaran tea.
Kategori: Sabudereun Buku, Éséy Sunda | Dimuat pada: 24-02-2008 19:26:48 | Tanpa komentar »
Nurut-nutur kuda lumping, nepi ka poho balik. Duit titipan keur indungna leungit di tempat lalajo. Ukur bisa ngahinghing ceurik. Rék balik sieun dicarekan. Komo apan cék bapana, budak bangor mah rék dikirim ka Tanggerang, dikerem di jero bui. Bakating baluweng, basa aya jalma ngajak indit, milu waéh. Teu apal ka mana nu rék dijugjug. Tungtungna kadungsang-dungsang di lembur batur.
Kategori: Sabudereun Buku | Dimuat pada: 24-02-2008 19:20:44 | Tanpa komentar »
Ti barang dipedalkeun ogé, Oknum téh geus aya di pabukon kuring. Dibaca éta ogé, tapi ukur sajorélat. Malah lolobana mah diliwat baé, sabab saméméhna loba nu geus dimuat dina média massa. Kakara maca judulna ogé, ingetan kuring geus eunteup manten kana carpon Hadi nu kungsi dibaca dina koran atawa majalah (réréana mah nu kungsi meunang hadiah sastra). Inget kénéh deuih kana eusina ogé, kana gaya pangarang anu sok mentingkeun pisan sétting. Malah harita mah, maké babalagonjangan sagala rupa, meureun ieu buku Hadi anu baris meunang hadiah sastra Rancagé téh.
Kategori: Sabudereun Buku | Dimuat pada: 24-02-2008 19:18:35 | Tanpa komentar »
Panggung Wayang, nya badag nya kandel. Langka pisan buku kumpulan carpon, nu kandelna nepi ka 412 kaca. Minangka babandinganana téh, Mirah Dalima beunang Kis. WS. jeung Sawidak Carita Pondok. Buku kumpulan carpon séjénna mah, kawas Halimun Peuting beunang Iskandarwassid, Jajatén Ninggang Papastén beunang Yus Rusyana, Serat Sarwa Satwa beunang Godi Suwarna, Awéwé Dulang Tinandé beunang Tjaraka, jeung réa-réa deui, kandelna langka nu ngaleuwihan 300 kaca. Atuh eusina ogé ukur wewelasan judul.
Kategori: Sabudereun Buku | Dimuat pada: 24-02-2008 19:16:06 | Tanpa komentar »
Matak jadi pinunjul hadiah sastra Rancagé ogé, Nu Kaul Lagu Kaléon téh roman anu nyastra nurutkeun tinimbangan juri hadiah Rancagé. Kaasup payu deuih, dicitakna nepi ka dua kali dina waktu dua taun. Malah apan dina citakan kadua mah ditambahan ku lampiran piagam hadiah sastra Rancagé. Unggulna téh deuih, Nu Kaul Lagu Kaléon beunang RAF roman munggaran anu meunangkeun éta hadiah.
Kategori: Sabudereun Buku, Éséy Sunda | Dimuat pada: 25-02-2005 03:39:30 | Tanpa komentar »
Ngawangkong jeung Mang Uju, urang Darangdan. Panggih téh di tempat gawé, da manéhna mindeng nganjang ka Bandung. Nya kitu, ari datang ti lembur téh teu weléh angkaribung sagala dibawa, sabangsaning kadaharan lembur. Ngan balikna gé angkaribung deui, mawa majalah jeung buku nu geus urut.
