Kategori: Carita Mistéri | Dimuat pada: 02-08-2009 23:10:09 | 19 Komentar »

GEUS dua puluh taun, éta imah angger kénéh siga baheula. Euweuh nu robah. Geus karuhan ari perenahna mah, lebah péngkolan, rada anggang ti imah-imah nu séjénna. Pagerna geus pinuh ku lukut, kenténgna geus semu hideung, pakaranganana hieum ku tatangkalan nu teu kaurus. Tangkal mahoni sagedé beuteung munding ngajungkiring gigireunana. Baheula gé asana kitu.Modél imah béh ditu, teuing mun dijieunna jaman Walanda. Di lebah dinya mah geus euweuh bangsana. Boh dedeganana, boh hieumna. Peuntaseun éta imah, kahalangan ku jalan raya, kebon eurih ngajejembrung. Teuing tanah nu saha, bangun nu ditambélarkeun. Padahal tanah di sapanjang jalan raya réréana mah geus diadegan wawangunan, boh imah, boh toko.

Kategori: Carita Mistéri | Dimuat pada: 04-08-2008 00:28:55 | 7 Komentar »

Kontrakan Bu Déwi kawilang lega. Kamar-kamar nu dikontrakkeun aya welasna, paeunteung-eunteung jeung imah Bu Déwi. Tiiseun, da rada anggang ti jalan raya.

Somad rék nanyakeun bisi salila manéhna di lembur aya lalaki nu nginjeum konci, terus asup ka kamarna. Katerangan ti pagawé “Sukma Photo” méré kacindekan yén aya jelema nu ngaropéa potrét panganténan Maman jeung Marni. Ayeuna tinggal nalungtik jelemana.

Kategori: Carita Mistéri | Dimuat pada: 04-08-2008 00:27:44 | Tanpa komentar »

SOMAD mah katémbong tenang sajeroning mukaan albeum téh. Nu ngabelegbeg hideung, disidik-sidik imeut pisan. Sakapeung gogodeg, sakapeung kerung.

“Saenyana, tilu poé ti acara gé potrét jeung VCD téh geus bérés. Ngan nyelang heula ka lembur, melang ka indung. Jadi minggu ieu téh geus dua kali balik ka lembur…” pokna bari ngarérét ka Maman.

Kategori: Carita Mistéri | Dimuat pada: 04-08-2008 00:22:22 | Tanpa komentar »

GEUS dua peuting Maman jeung Marni ngadéngé sora nu ceurik, ngabangingik, bangun kanyenyerian. Éta sora datangna asa ti luhureun kamar, ti lebah lalangit. Tapi sakapeung semu ngajauhan.

Mistéri potrét gé can kapaluruh. Nu ngabangingik, komo deui, teu kaharti ku akal. Katambah Bi Darsih hariweusweus, cenah basa keur sasapu di pakarangan tukang, katémbong dina témbok aya getih. Enya, getih nu ngalémbéréh, teuing getih nanahaon.

Ku Maman dibuktikeun. Enya geuning. Marni mah geus miheulaan ngayekyek. Tapi Maman nyobaan neger-neger manéh, mikiran éta kajadian maké logika, najan haté leutikna mah sarua nyebut teu kaharti.

Kategori: Carita Mistéri | Dimuat pada: 13-03-2008 11:29:44 | 5 Komentar »

“Nu matak teu kaharti mah nu ieu…” cék Marni. “Akang gé tangtos émut kénéh, waktos urang dipotrét di kamar pangantén, teu aya sasaha deui. Urang dipotrét bari calik dina kasur. Akang nuju ngaléng abdi. Tapi éta di pengker, nu ditiung bet aya deui. Nuju calik nukangan kaméra. Siga nu adek kana tonggong Akang!”

Kategori: Carita Mistéri | Dimuat pada: 24-02-2008 18:38:32 | 3 Komentar »

SAHA atuh nu daék kaanjangan… mayit! Ari peuting ieu, Darmita kudu nungguan mayit di patengahan. Mayit nu maotna henteu ilahar, ngagantung manéh dina dahan caringin.

Mun téa mah nu maotna téh dulurna, atawa kulawargana, sigana moal matak ngadégdég teuing. Ieu mah apan jelema manjang-munjung, teuing saha, teuing urang mana.

Kategori: Carita Mistéri | Dimuat pada: 24-02-2008 18:37:22 | 1 Komentar »

ÉTA bioskop téh perenahna di kota kacamatan. Teu pati jauh ti alun-alun mah. Wangunan heubeul, da dijieunna gé cenah jaman Walanda. Nu bogana teuing Tuan nanahaon mah. Taun 80-an sok dipaké kénéh muter pilem, tapi henteu lila. Kungsi dipaké ku barudak Karang Taruna paranti maén téater. Henteu lila deuih.

Kategori: Carita Mistéri | Dimuat pada: 24-02-2008 18:36:07 | 1 Komentar »

PAMAJIKAN keur marondok di kolotna. Bah Uju, mitoha kuring, gering. Barudak dibawa kabéh, da malem Minggu, isukna moal sarakola. Tadina kuring gé rék milu, ngan melang ninggalkeun imah, mangkaning kacaritakeun keur usum bangsat.